ДБЭТ-ын түүхт 60 жилийн ойд зориулан "Хурмастын дагина" цоо шинэ, үндэсний сонгодог балетыг үзэгч олонд өргөн барьж байна.

Хурмастын дагина балетыг МУСТА Б.Баярмагнайн цомнолоор МУАЖ А.Энхтайван хөгжмийг бичиж, ерөнхий продюсер МУАҮГА Ч.Чинбат, продюсераар МУГЖ Ц.Төшинтөгс, удирдаачаар МУСТА Ц.Гансүх, ерөнхий балетмейстрээр ДБЭТ-ын балетын гоцлооч МУСТА Г.Батчимэг, балетмейстр МУСТА М.Нямтайван, ерөнхий зураачаар МУСТА Д.Батнасан, МУСТА Ц.Ганзориг хувцасны дизайнераар МУСТА Ж.Болортүвшин нар ажилласан

ДБЭТ-ын тайзнаа 1990 оноос хойш Х.Билэгжаргалын "Бөртэ чоно", Ц.Нацагдоржийн "Гүюг хаан", А.Батдэлгэрийн "Арванхоёр жил", Б.Шаравын "Зуурдын орон", С.Соронзонболдын "Их домог", А.Батдэлгэрийн "Гэсэр Номун хан", "Тэнгэрийн ташуур" гэсэн үндэсний сонгодог долоон бүтээл тавигдаж байжээ. Энэ бүтээл нь Монголын театрын түүхийг нэгэн хуудсаар баяжуулах түүхэн уран бүтээл болж байна .