Манай улсын алдарт хөгжмийн зохиолчдын нэг Ж.Чулууны "Уран хас" балет Улсын дуурь бүжгийн эрдмийн театрын тайзнаа дахин тоглогдоно.
Уг үндэсний балетын цомнолыг ардын жүжигчин, хөдөлмөрийн баатар, төрийн шагналт балетмейстер Б.Жамъяандавга бичжээ.
Балет нь хоёр бүлэг, гурван үзэгдэлтэй. Анх 1973 онд тус театрт тоглогдож байсан "Уран хас" өдгөө 45 дахь жилтэйгээ золгож буй ажээ. Мөн уг балетыг Ж.Чулуун гуайн мэндэлсний 90 жилийн ой тохиож байна.